Ein heilt ny kvardag på Nordfjordeid – ein stad i rivande utvikling
Å flytte inn i leilighet betyr for mange å åpne døra for ein ny, meir aktiv livsstil. Den som er kjend på Nordfjordeid, kjenner moglegheitene som byr seg rett i nærleiken: Godt utval av butikkar, eit mangfaldig kulturtilbod, kaféar og andre servicefunksjonar, kollektivtrafikk, store turområder og ei varm og hjartenær bygd.
Sagaparken
Nytt friområde rett utanfor leilighetene i Sagaparken Panorama. Her vil du finne ei fin lita badestrand, sandvolleyballbane, grillplass, leikeplass, m.m. Den nye Sagaparken er allereie blitt ein favoritt for rekreasjon og urbant parklliv.
Sagastad
Sagastad er vestlandet sitt nye kunnskapssenter om vikingtida. Her kan du oppleve det 30 meter lange Myklebustskipet – eit av verdas største vikingskip. Lær om mystikk og ritualer, om store reiser i fantastiske skip, og om vår stolte kulturhistorie.
Harpefossen
Harpefossen Skisenter er lokalisert i Hjelmelandsdalen, 10 kilometer utanfor Nordfjordeid sentrum. Harpefossen tilbyr det største og mest komplette alpinanlegget i Sogn og Fjordane med 6 heiser og 13 nedfartar i velpreparerte trasear. Anlegget tilbyr òg 15 km preparerte trasear for langrenn og eit løypenett som går gjennom 5 idylliske fjellsetrar.
Stokkenes Golfpark
Stokkenes Golfpark er ei 9 hols bane som ligge fint til langs lakseelva Eidselva. Parken er plassert 2 kilometer aust for sentrum. Nordfjord Golfklubb held til på Stokkenes Golvpark.
Operahuset Nordfjord
Operahuset Nordfjord er eit landskjend opera- og kulturhus på Nordfjordeid. Operahuset blei ferdigstilt i 2009 og er tilknytt Eid vidaregåande skule. Bygget huser òg operaselskapet Opera Nordfjord, kinosal og kommunalt bibliotek. Operahuset Nordfjord ligg ca. 400 meter frå Sagaparken Panorama.
Kulturhuset Gamlebanken
Fleirbruks-hus med kunstgalleri med utstillingar i 3 etasjar. Huset rommer òg egen pub, selskapslokale og møterom.
Eid Idrettshus
Eid Idrettshus ligg tett ved Eid sentrum, og her finn du idrettshall og svømmehall. Utanfor idrettshuset er der òg ei fin kunstgrasbane.
Norsk Fjordhestsenter
Norsk Fjordhestsenter er det nasjonale senteret for Fjordhesten. Senteret er eit ressurssenter for fjordhesten med informasjons- og rådgjevingstenester.
Ei av hovudoppgåvene er å fremje avl og bruk av fjordhesten.
Malakoff Rockfestival
Malakoff Rockfestival er en stor, årleg musikkfestival som vert arrangert i området Malakoff, like ved sentrum av Nordfjordeid. Festivalen blei starta i 2003 og har vokse jamt og trutt kvart år og har no blitt ein betydeleg festival i nasjonal samanheng med rundt 20 000 besøkjande.
Eidsgata og tverrgata
Perla i handelsmiljøet på Nordfjordeid. Ei sjarm-erande handlegate med verna trehusmiljø og mange ulike næringsdrivande.
Port of Nordfjordeid
I 2019 blei Nordfjordeid ein offisiell cruisedestinasjon. Allereie første sesongen fekk bygda besøk av meir enn 20 anløp. Nordfjordeid viser seg å vere ein populær og attraktiv nykomar på cruisekartet, og i åra som kjem vil antalet skipsanløp auke monaleg.
Kafékultur
På Nordfjordeid er vi heldige å ha eit stort utval av fine, koselege kaféar som gjer eit opphald i bygda ekstra koseleg. Kafélivet er noko folk i bygda set stor pris på.
Eid er ei aktiv kulturkommune med eit mangfaldig næringsliv i stadig vekst!
Vi er stolte av historia vår
Heilt sidan vikingtida har Eid vore eit viktig senter med stor aktivitet på land og ikkje minst på Eidsfjorden der skipa til tider låg tett i tett. Dei rike funna på Myklebust vitnar om at Eid var ein sentral stad i vikingtida.
Nye Nordfjordeid
Mykje spanande har skjedd dei siste åra på Nordfjordeid. I september 2016 vart eit nytt parkområde opna i Nordfjordeid sentrum. Parken fekk det velklingande namnet – Sagaparken – mykje på grunn av Eid si stolte vikinghistorie. I 2019 vart vikingsenteret Sagastad opna. Og stjerne – og hovudtrekkplaster i Sagastad, er det mektige vikingskipet, Myklebustskipet – eitt av verdas største vikingskip.
Sagaparken er allereie blitt eit populært mål for turar og rekreasjon, og parken ved fjorden har blitt eit nytt og attraktiv andlet mot vest.
Handelssenteret Nordfjordeid har dei seinaste åra vakse seg sterkare og større, med stadig nye tilskot på lista. Sagaparken Panorama ligg vegg-i-vegg med det populære kjøpesenteret ALTI Nordfjord, og ein større Biltema-butikk er òg komen på plassen, så den daglege handelen er det lett å ordne.
Sagaparken Panorama, Sagaparken, og Sagastad
Namnet vårt – Sagaparken Panorama, fekk vi laga på bakgrunn av den sterke vikinghistoria vår, og med tanke på det flotte Sagastadsenteret som ligg rett ved Sagaparken. Vi er veldig stolte av å vere ein del av det nye Sagaparken-området. Eid sin nye «bydel».
2019 vart det første året for Nordfjordeid som cruise-destinasjon. For den som likar store skip, så er Sagaparken Panorama den rette plassen å bu på; Her kan du stå på terrassen å ta imot – og ta farvel med – dei gedigne skipa, som ligg berre eit steinkast unna når dei er i hamn. Port of Nordfjordeid er iløpet av eitt år blitt ein populær desinasjon.
Elles har Eid svært mykje anna godt å by på. Tenk berre på Opera Nordfjord, Operahuset med arrangement og aktivitet året rundt, Malakoff Rockfestival, Elskhug og Eksis – eit historisk spel basert på militæraktiviteten på 17-1800-talet, Eidsgata og handel elles, skule- og helsetilbod for eit vidt omland, hingsteutstilling og hestesenter, skisenter, reiseliv og anna næringsliv. I dag er Eid inne ein positiv periode med rivande utvikling, noko som gjer Eid til ein attraktiv stad – den rette staden å busetje og etablere seg på.
Med den nye Sagaparken, Sagastad, Amfisenteret og Sagaparken Panorama tett ved sjøkanten, vender Nordfjordeid no seg på nytt mot fjorden i vest og er med og skapar ei ny historie i Eid.